మాడుగుల ( జనస్వరం ) : నియోజకవర్గంలోని పొన్నావోలో గ్రామం, ఒంటిమామిడి పాలెం గ్రామంలో సుమారు 165 గడపలకు జనసేన పార్టీ గుర్తు అయిన గాజు గ్లాస్ ఇచ్చి ప్రజలకు జనసేన పార్టీ సిద్ధాంతాలు మరియు ప్రభుత్వ వైఫల్యాలను జనాలకి వివరించారు. జనసేన నాయకులు రాయపురెడ్డి కృష్ణ మాట్లాడుతూ జనసేనపార్టీ సిద్దాంతాలను, పవన్ కళ్యాణ్ గారి ఆశయాలను ప్రజల్లోకి బలంగా తీసుకెళ్లాలని కార్యక్రమమ౦ చేపట్టామన్నారు. ప్రధాన సమస్య విద్యుత్తు చార్జీలు పెంపు కోసం వారు పడుతున్న ఇబ్బందులు నాతో చెప్పుకోవడం జరిగిందన్నారు. గడ్డం అచ్చిబాబు ఇటీవలే కర్ల మిల్లులో చెయ్యి పడి వికలాంగ పెన్షన్ రావటం లేదని వారి సమస్యను తెలియజేసారు. జనసేన పార్టీ తరఫున సంబంధిత అధికారులతో మరియు సిబ్బందితో మాట్లాడి వారికి పెన్షన్ వచ్చేలా చేస్తామని హామీ ఇవ్వడం జరిగిందన్నారు.