కృష్ణా ( జనస్వరం ): గుడివాడ పట్టణ నీలామహల్ రోడ్లో గత కొంతకాలం నుంచి ఒంటరిగా జీవిస్తున్న గేదెల లక్ష్మి అనారోగ్యంతో చనిపోవడంతో అక్కడ ఉన్న స్థానికులు గుడివాడ పట్టణ జనసైనికులకు తెలియపరచగా వెంటనే స్పందించిన జన సైనికులు పోలీసువారికి సమాచారం అందించి ఆ మృతదేహానికి అంత్యక్రియలు చేయడం జరిగింది. ఈ సందర్భంగా గుడివాడ పట్టణ జనసేన నాయకులు మాచర్ల రామకృష్ణ (Rk) మాట్లాడుతూ కొందరి జీవితంలో రక్త సంబంధాలు కూడా దూరం అయ్యి నేడు ఆర్థిక బంధాలు అయ్యేంతగా అభివృద్ధి చెందుతున్నారు. అందుకే ఇలా అనాథులుగా ఈ మరణాలు జరుగుతున్నాయని, నా అనే బంధాలకు దూరం అయి తనువు చాలించిన ఈ వృద్ధ తల్లికి ఒక కొడుకుగా నా బాధ్యత తీసుకొని అంత్యక్రియలు చేయడం జరిగిందన్నారు. మానవసేవే – మాధవసేవ అనే నినాదంతో జనసేనపార్టీ అధ్యక్షులు పవన్ కళ్యాణ్ గారి స్ఫూర్తితో కుల మతాలతీతంగా సేవ కార్యక్రమలు చేస్తున్న మా జనసైనికులను మీ నిండు మనసుతో మమ్మల్ని ఆశీర్వదించలని కోరారు. ఈ కార్యక్రమంలో పాల్గొన్న ముస్లిం మైనారిటీ నాయకులు షేక్ మీరా షరీఫ్ గారికి మా హృదయపూర్వక ధన్యవాదములు అని తెలియజేశారు. ఈ కార్యక్రమంలో జనసేన నాయకులు అయ్యప్ప, సురేష్, గంట అంజి, చరణ్, జగదీష్, షేక్ కరీం, మరియు డాన్స్ మాస్టర్ ఆర్య పాల్గొన్నారు.
