గుడివాడ, (జనస్వరం) : కృష్ణాజిల్లా గుడివాడ పట్టణంలో భిక్షాటన చేసుకుంటూ జీవనం సాగిస్తున్న వృద్దుడు అనారోగ్యంతో మరణించడంతో అక్కడ ఉన్న స్థానికులు గుడివాడ పట్టణ జన సైనికులకు తెలియజేయగా వెంటనే స్పందించిన జనసైనికులు పోలీసువారికి వివరాలు తెలియజేసి అంత్యక్రియలు చేయడం జరిగింది. ఈ సందర్భంగా గుడివాడ పట్టణ జనసేన నాయకులు మాచర్ల రామకృష్ణ (Rk) మాట్లాడుతూ మానవసేవే మాధవసేవ అని నినాదంతో జనసేన పార్టీ అధ్యక్షులు పవన్ కళ్యాణ్ స్ఫూర్తితో గుడివాడ పట్టణంలో అనేక సేవా కార్యక్రమాలు చేసుకుంటూ అలాగే ఎంతోమంది అభాగ్యులు అనారోగ్యంతో చనిపోవడంతో ఆ మృతదేహాలను సాంప్రదాయ పద్ధతిలో అంత్యక్రియలు చేయడం జరుగుతుందని ఈ కార్యక్రమనికి నాకు సహకరిస్తున్న నా మిత్రులకు నా టీం సభ్యులకు నా హృదయపూర్వక ధన్యవాదములు తెలియజేశారు. రక్త సంబంధం లేకున్నా, ఎన్నో సంవత్సరాల నుంచి ఆ వృద్ధుడికి ఆహారం అందిస్తూ అదే చేత్తో అంత్యక్రియలు చేయడం చాలా బాధగా ఉందని ఏనాటి రుణ బంధమో ఒక కొడుకుగా బాధ్యత తీసుకుని ఆ వృద్దుడుకు తమ సాంప్రదాయ పద్దతిలో అంత్యక్రియలు చేసి ఆత్మకి శాంతి చేకూరాలని భగవంతుని మనస్పూర్తిగా కోరుకుంటున్నామని తెలియజేశారు. ఈ కార్యక్రమంలో జనసేన నాయకులు ముస్లిం మైనారిటి నాయకులు షేక్ కరీం, అయ్యప్ప, జగదీష్, సురేష్, అంజి, జన సైనికులు పాల్గొన్నారు.