తెలంగాణ సచివాలయంలో నిర్మించిన ఆలయాలను సిఎం కేసీఆర్‌, గవర్నర్‌ తమిళ సై ప్రారంభించారు. సెక్రటేరియట్‌ ప్రాంగణంలో నిర్మించిన ఆలయంలో గవర్నర్‌తో కలిసి సిఎం ప్రత్యేక పూజలు నిర్వహించారు. తెలంగాణ సిఎం కేసీఆర్‌, గవర్నర్‌ తమిళసై తెలంగాణ నూతన సెక్రటేరియట్‌ ప్రాంగణానికి విచ్చేశారు. సచివాలయంలో కొత్తగా నిర్మించిన ఆలయాలను ముఖ‌్యమంత్రి కేసీఆర్‌ గవర్నర్‌తో కలిసి ప్రారంభించారు. సచివాలయ ప్రాంగణంలో నిర్మించిన వివిధ మతాల ప్రార్థనామందిరాలను ముఖ్యమంత్రి కేసీఆర్‌ ప్రారంభించారు. తెలంగాణలో కొత్తగా నిర్మించిన సచివాలయ ప్రాంగణంలో రాష్ట్ర ప్రభుత్వం అన్ని మతాలకు చెందిన ఆలయాలను నిర్మించింది. ఉద్యోగుల కోసం రాష్ట్ర సచివాలయ ప్రాంగణంలో నిర్మించిన వివిధ మతాల ఆలయాలు, ప్రార్థనా మందిరాలను ముఖ్యమంత్రి కేసీఆర్‌ గవర్నర్‌తో కలిసి దర్శించుకున్నారు. తొలిసారి సచివాలయానికి వచ్చిన గవర్నర్‌కు ముఖ్యమంత్రి కేసీఆర్‌ స్వాగతం తెలిపారు. తెలంగాణ నూతన సచివాలయ ప్రారంభోత్సవానికి గవర్నర్‌కు ఆహ్వానం పంపకపోవడం అప్పట్లో చర్చనీయాంశమైంది. తాజాగా ఆలయాల ప్రారంభోత్సవానికి గవర్నర్‌, ముఖ్యమంత్రి ఇద్దరూ కలిసి హాజరయ్యారు. వారివెంట ప్రభుత్వ ప్రధాన కార్యదర్శి శాంతకుమారి, పలువురు మంత్రులు ఉన్నారు.