గోరంట్ల, (జనస్వరం) : అనంతపురం జిల్లా గోరంట్ల మండలంలో నేడు భారత రాజ్యాంగ నిర్మాత, భారత రత్న డాక్టర్ బి.ఆర్ అంబేద్కర్ గారి వర్ధంతి సందర్భంగా గోరంట్ల జనసేన పార్టీ నాయకులు అంబేద్కర్ విగ్రహానికి పూలమాలలు వేసి నివాళులు అర్పించారు. ఈ సందర్భంగా వారు మాట్లాడుతూ DR. BR. అంబేడ్కర్ ఒక ప్రముఖ భారతీయ న్యాయవాది, ఆర్థిక శాస్త్రవేత్త, రాజకీయ నేత, సంఘ సంస్కర్త. ఇతను అంటరానితనం, కుల నిర్మూలన కోసం ఎంతో కృషి చేశాడు. స్వాతంత్ర్య భారతదేశపు మొట్టమొదటి కేంద్ర న్యాయశాఖ మంత్రిగా పనిచేశారని అన్నారు. అలాగే రాజ్యాంగంలో నాడు ఆయన కల్పించిన పౌరహక్కులు, ఆదేశిక సూత్రాలు నేటికీ, ఏనాటికీ ప్రజలకు రక్షణగానే నిలుస్తుంటాయని అన్నారు. ఈ కార్యక్రమంలో జిల్లా కార్యదర్శి సురేష్, మండల నాయకులు సంతోష్, వెంకటేష్, అనిల్, పొగతోట వెంకటేష్, నరేష్, గంగరాజు బాబావలి తదితరులు పాల్గొన్నారు.