ఆముదాలవలస ( జనస్వరం ) : శ్రీకాకుళం పట్టణంలో ప్రముఖ ఫంక్షన్ హాల్ లో అంగన్వాడీల పై ప్రభుత్వం తెచ్చిన ఎస్మా రద్దు కోసం నిర్వహించిన అఖిలపక్ష సమావేశంలో జనసేన పార్టీ ఆమదాలవలస నియోజకవర్గ ఇంచార్జ్ పేడాడ రామ్మోహన్ రావు పాల్గొన్నారు. ఈ సందర్భంగా ఆయన మాట్లాడుతూ రాష్ట్ర వ్యాప్తంగా అంగన్వాడీలు దాదాపు నెల రోజులుగా వారి సమస్యలను పరిష్కరించాలని కోరుతూ రోడ్డెక్కి తెలియచేస్తుంటే, ఈ ప్రభుత్వం వారి సమస్యలను పరిష్కరించకపోవడమే కాకుండా వారిపై ఎస్మా చట్టం తీసుకురావడం చాలా దారుణమని ఆవేదన వ్యక్తం చేశారు. బాలింతలకు చిన్నారులకు అనేక రకాలుగా సేవలందిస్తూ ప్రతి ఒక్కరు కూడా ఒక తల్లిలాగా బాధ్యతగా వ్యవహరిస్తుంటే ఈ ఈ ముఖ్యమంత్రి అంగన్వాడీల పై వివిధమైన చర్యలు చేపట్టడం వారి పనితీరుకు నిదర్శనమని తెలిపారు. ఈ ఎస్ మా చట్టం రద్దు చేస్తూ అంగన్వాడీల జీతాలు పెంచాలని జనసేన పార్టీ వారికి పూర్తి సంఘీభావం తెలియచేస్తుందని ప్రకటించారు. రానున్న సరికొత్త ప్రజా ప్రభుత్వంలో అంగన్వాడీలకు పూర్తిస్థాయిలో గౌరవం దక్కుతుందని ఆశాభావం వ్యక్తం చేశారు. ఈ కార్యక్రమంలో టిడిపి జిల్లా అధ్యక్షులు కూన రవికుమార్,సిపిఐ నాయకులు పాల్గొన్నారు.