ఎమ్మిగనూరు ( జనస్వరం ) : జనసేన పార్టీ నియోజకవర్గ ఇంచార్జ్ రేఖ గౌడ్ ఆదేశాల మేరకు స్థానిక 30 వ వార్డు చెన్నకేశవ కాలనీ లో పర్యటించారు. ఈ సందర్భంగా మండల అధికార ప్రతినిధి రాహుల్ సాగర్, రాష్ట్ర చేనేత వికాస్ కార్యదర్శి రవి ప్రకాష్ లు మాట్లాడుతూ చెన్నకేశవ కాలనీలో డ్రైనేజీ సమస్య చాలా తీవ్రంగా ఉందని అన్నారు. తేలికపాటి వర్షానికే కాలనీ జలమయం అవుతుందని దీనివల్ల కాలనీలో నివసిస్తున్న ప్రజలు తీవ్ర ఇబ్బందికి గురి అవుతున్నారని ఆవేదన వ్యక్తం చేశారు. కనుక అధికారులు ప్రత్యేక దృష్టి సారించి చెన్నకేశవ కాలనీలో నెలకొన్న డ్రైనేజీ సమస్యల్ని పరిష్కరించాలని జనసేన పార్టీ తరఫున డిమాండ్ చేశారు. ఈ కార్యక్రమంలో షబ్బీర్, వినయ్, రమేష్, యువరాజ్, ప్రసాద్, రఘు, తదితరులు పాల్గొన్నారు.