అనంతపురం ( జనస్వరం ) : బత్తలపల్లి నుండి కదిరి వరకు నూతనంగా ఏర్పాటు చేస్తున్న రోడ్డు వద్ద సరైన సూచిక బోర్డులు లేక వాహనదారులు అదుపుతప్పి పడిపోతున్నారని శింగనమల జనసేన నాయకులు దంపెట్ల శివ ఆవేదన వ్యక్తం చేశారు. ఆయన మాట్లాడుతూ తాను కదిరి వెళ్తుండగా మార్గమధ్యమంలో దంపేట్ల గ్రామ సమీపంలో సరైన సూచికలు, స్పీడ్ బ్రేకర్లు లేకపోవడం వల్ల ఒక కారు అదుపు తప్పిందన్నారు. అందులో ఉన్న వృద్ధులకు స్వల్ప గాయాలయ్యాయని అన్నారు. తామే దగ్గర ఉండి ప్రథమ చికిత్స అందించి దగ్గరలోని ఆసుపత్రికి తీసుకెళ్లి మానవతావాదాన్ని చాటారు. ప్రజలు తీవ్ర ఇబ్బంది పడుతున్నారని,  ప్రభుత్వం ఇప్పటికైనా మొద్దు నిద్ర వీడి సరైన సూచిక బోర్డులు, సత్వరమే రోడ్డు పనులు పూర్తి చేయాలని డిమాండ్ చేశారు.