ధర్మవరం ( జనస్వరం ) : జనసేన రాష్ట్ర ప్రధాన కార్యదర్శి చిలకం మధుసూదన్ రెడ్డి తన స్వగృహంలో ప్రెస్ మీట్ నిర్వహించారు. మీడియా ముఖంగా మాట్లాడుతూ జనసేన పార్టీ అధ్యక్షులు పవన్ కళ్యాణ్ పై వైసీపీ మంత్రి పెద్దిరెడ్డి రామచంద్రారెడ్డి విమర్శలు చేసే ముందు మీ ఎమ్మెల్యేలు గ్రామాలలోకి వెళ్తుంటే మీ ముందరే ప్రజలు మీ ఎమ్మెల్యేలను చెప్పులతో వేస్తున్నారు. ముందు అవి సరిదిద్దుకొని తర్వాత పవన్ కళ్యాణ్ పై విమర్శలు చేయమన్నారు. అలాగే పేర్ని నాని, గుడివాడ అమర్నాథ్, అంబటి రాంబాబు నోర్లు అదుపులో పెట్టుకోకపోతే మీరంతా ప్రజల్లో కూడా తిరగలేరని హెచ్చరించారు. ఈ దుష్ట దుర్మార్గమైన వైసీపీ ప్రభుత్వాన్ని గద్దె దించేందుకు రాష్ట్రంలో కలిసి వచ్చే అన్ని పార్టీలను కలుపుకుపోతామని ఈ రాష్ట్రంలో ప్రభుత్వ వ్యతిరేకత ఓటును చీలనివ్వకుండా పవన్ కళ్యాణ్ గారు ఏకైక నిర్ణయం తీసుకున్నారని పేర్కొన్నారు.