టెక్కలి, (జనస్వరం) : శ్రీకాకుళం జిల్లా, టెక్కలి నియోజకవర్గము, సంతబొమ్మాళి మండలం, గోవిందపురం గ్రామ సచివాలయ పరిధిలో ఉన్న గ్రామ సచివాలయంలో ప్రభుత్వ పథకాలు జాబితాలు, ఇంటిపన్ను వసూళ్లు రికార్డులు గ్రామ పంచాయతీ గ్రాంట్ రికార్డులు, పంచాయితీ సంబందించి పలు రికార్డులు సమాచార హక్కు చట్టం సహాయంతో తనిఖీ చేయడం జరిగింది. పాలనలో పారదర్శకత పాటు, ప్రభుత్వ సంక్షేమ పథకాలలో అవినీతికి తావలేకుండా, ప్రతి పేదవాడికి న్యాయం జరిగే విధంగా అలాగే గ్రామంలో జరిగే పనులకి సంబందించి నాణ్యత లోపాలు తెలుసుకొనుటకు సమాచార హక్కు చట్టాన్ని ప్రతి పౌరుడు ఉపయోగించుకోవాలి అంటూ జనసేన పార్టీ టెక్కలి నియోజకవర్గ ఇంచార్జ్ కణితి కిరణ్ కుమార్ తెలిపారు. అలాగే గోవిందపురం గ్రామపంచాయతీలో రికార్డుల పరిశీలనలో 2018-2019 సంవత్సరాలకు గాను ఎటువంటి ఇంటిపన్ను రసీదు పుస్తకాలు, ఛలానాలు లేవని, పంచాయతీకి స్టాక్ రిజిస్టర్ లేదని, పంచాయతీకి GST నెంబర్ లేదని తమ దృష్టికి వచ్చిందని మరిన్ని వివరాలు కావాలని తెలుపగ సెక్రటరీ వారం రోజులలో ఏర్పాటు చేస్తామని తెలిపారు.