విజయవంతంగా జరిగిన ఇంటిగ్రేటెడ్ కంపెనీ అధ్వర్యంలో క్యాంపస్ డ్రైవ్.

నరసరావుపేట,డిసెంబర్18.
( జనస్వరం)

నరసరావుపేటలోని కృష్ణవేణి డిగ్రీ కళాశాలలో తృతీయ సంవత్సరం బి.కామ్ మరియు బి.బి.ఏ విద్యార్థుల కోసం ఇంటిగ్రేటెడ్ కంపెనీ ఆధ్వర్యంలో క్యాంపస్ డ్రైవ్ విజయవంతంగా నిర్వహించ బడింది.ఈ క్యాంపస్ డ్రైవ్‌లో భాగంగా ముందుగా వ్రాత పరీక్ష, అనంతరం హెచ్‌ఆర్ వ్యక్తిగత ఇంటర్వ్యూలు నిర్వహించగా, ఈ ఎంపిక ప్రక్రియను కంపెనీకి చెందిన హెచ్‌ఆర్‌లు బాలాజీ, కీర్తన, విజయలక్ష్మి పర్యవేక్షించారు.మొత్తం 150 మంది విద్యార్థులు ఈ డ్రైవ్‌లో పాల్గొనగా అందులో 44 మంది విద్యార్థులు తుది ఎంపికకు అర్హత సాధించారు. ఎంపికైన విద్యార్థులకు రూ.1.80 లక్షల వార్షిక వేతనం (LPA)తో రిలేషన్‌షిప్ మేనేజర్ ఉద్యోగ బాధ్యతలు కేటాయించబడతాయి.

ఈ సందర్భంగా కళాశాల ప్రిన్సిపాల్ నాతాని వెంకటేశ్వర్లు,డైరెక్టర్ కె. నాసరయ్య,ట్రైనింగ్ అండ్ ప్లేస్‌మెంట్ ఆఫీసర్ బాల కోటేశ్వరరావు ఎంపికైన విద్యార్థులను అభినందించి, వారి భవిష్యత్‌కు శుభాకాంక్షలు తెలిపారు.