ప్రొద్దుటూరు ( జనస్వరం ) : సామాన్యులకు ఇబ్బంది కలిగించి వ్యాపారులకు ఆర్థిక పరమైన నష్టం చేస్తే సహించదే లేదని జనసేన పార్టీ నాయకులు మాదాసు మురళీ ఈ ప్రభుత్వాన్ని హెచ్చరించారు. స్థానికి నందిని క్లాత్ మార్కెట్ లోని తన కార్యాలయం లో ఏర్పాటు చేసిన విలేకరుల సమావేశంలో ఆయన మాట్లాడుతూ గత రెండు రోజులుగా వ్యాపారాలకు ప్రసిద్ధి చెందిన ప్రొద్దుటూరులో సామాన్యులను ఈ ప్రభుత్వం తన అధికారాన్ని అడ్డం పెట్టుకొని అధికారులతో దాడులు చేయించి తీవ్ర ఇబ్బందులకు గురి చేస్తుందన్నారు. ఈ ప్రభుత్వం తీరు చూస్తుంటే రాబోవు రోజుల్లో మహిళల భద్రత ఎంత భయంకరంగా ఉంటుందని తెలిపారు. సామాన్యులకు ఇబ్బంది కలిగించి వ్యాపారులకు ఆర్థిక పరమైన నష్టం చేస్తే జనసేన పార్టీ చూస్తూ ఊరుకోబోదని వారికి అండగా ఎటువంటి కార్యక్రమాలు చేయడానికి వెనుకడ బోదని ఈ ప్రభుత్వని హెచ్చరించారు. పిచ్చి పిచ్చి చేష్టలు మానుకొని ప్రజలకు మేలు చేసే కార్యక్రమాలు చేపట్టాలన్నారు. ఈ కార్యక్రమం లో జనసేన పార్టీ సైనికులు బాల కృష్ణ రెడ్డి, బాలరాజ్, రవి కిరణ్ తదితరులు పాల్గొన్నారు.
