అమరావతి, (జనస్వరం) : నిరసన కార్యక్రమాలు చేపట్టడం.. వాస్తవాలు తెలుసుకొనేందుకు క్షేత్రస్థాయిలో పర్యటించడం ప్రజాస్వామ్యంలో రాజకీయ పార్టీల బాధ్యత. ఆ బాధ్యతతోనే బీజేపీ రాష్ట్ర నాయకులు గుడివాడ వెళ్తుంటే అడ్డుకొని అరెస్టు చేయడం అప్రజాస్వామికం. బీజేపీ రాష్ట్ర అధ్యక్షులు శ్రీ సోము వీర్రాజు, ఎంపీ శ్రీ సి.ఎం.రమేశ్, ఎమ్మెల్సీలు శ్రీ పి.వి.ఎన్.మాధవ్, శ్రీ వాకాటి నారాయణరెడ్డి, ఇతర నాయకులను అరెస్ట్ చేయడాన్ని జనసేనపార్టీ తరుపున తీవ్రంగా ఖండిస్తున్నాం. గుడివాడలో జరిగిన పరిణామాలపై వివరణ ఇవ్వాల్సిన బాధ్యత ప్రభుత్వ యంత్రాంగంపైనే ఉంది.