ఆత్మకూరు, (జనస్వరం) : ఈరోజు పెట్రోల్,డీజిల్ ధరలకు సంబంధించిన విషయమై ఆత్మకూరు జనసేనపార్టీ కార్యాలయంలో, నియోజకవర్గ జనసేన నాయకులతో కలిసి సమావేశం ఏర్పాటు చేయడం జరిగింది. ఈ సందర్భంగా ఆత్మకూరు నియోజకవర్గ జనసేన పార్టీ ఇంఛార్జ్ నలిశెట్టి శ్రీధర్ మాట్లాడుతూ పెట్రోలు, డీజిల్ ధరల విషయంలో ప్రజలు పడుతున్న బాధలను గుర్తించిన శ్రీ నరేంద్ర మోడీ నాయకత్వంలోని కేంద్ర ప్రభుత్వం, పెట్రోలుపై ₹5, డీజిల్ పై 10 రూపాయలు తగ్గించిన విషయం మనకందరికీ తెలిసిందే. కేంద్ర ప్రభుత్వం అనుసరించిన బాటనే అనుసరిస్తూ, అస్సాం, త్రిపుర, కర్ణాటక, మణిపూర్, గుజరాత్, గోవా తదితర రాష్ట్రాలు ఏడు రూపాయల వంతున ఒరిస్సా మూడు రూపాయల వంతున తమ రాష్ట్ర ప్రభుత్వ వాటా గా తగ్గించడం జరిగింది. ప్రజలపై పడుతున్న భారాన్ని గుర్తించి ఇన్ని రాష్ట్ర ప్రభుత్వాలు స్పందించినప్పటికీ, మన రాష్ట్ర ప్రభుత్వం నిమ్మకు నీరెత్తినట్టు ఉండడం ఎంతో శోచనీయం. అంతేకాకుండా దేశంలో ఏ రాష్ట్రంలో లేని విధంగా మన రాష్ట్రప్రభుత్వం రోడ్డు సెస్ పేరుతో సుమారు ఐదు వందల కోట్ల రూపాయలు భారాన్ని ప్రజలపై మోపడం జరిగింది. ఇప్పటికైనా మిగిలిన రాష్ట్రాల బాటలోనే, మన రాష్ట్రం కూడా పెట్రోలు, డీజిల్ పై పన్నులు తగ్గిస్తూ, ప్రజలకు ఊరటనిచ్చే నిర్ణయం తీసుకోవాలని, జనసేనపార్టీ డిమాండ్ చేస్తుంది. లేనిపక్షంలో పెట్రోలు, డీజిల్ పై రాష్ట్ర ప్రభుత్వం పన్ను తగ్గించే వరకు ప్రజల పక్షాన జనసేన పార్టీ పోరాటం చేస్తుందని ఈ సందర్భంగా తెలియజేయడం జరిగింది. ఈ కార్యక్రమంలో జనసేనపార్టీ నియోజకవర్గ నాయకులు పాల్గొనడం జరిగింది.