కదిరి, (జనస్వరం) : కొత్తగా జనసేన పార్టీ అనంతపురం జిల్లా కార్యక్రమాల నిర్వహణ కమిటీ సభ్యులుగా కుటాల లక్ష్మణ్, షేక్ ఫయాజ్ నియమితులయ్యారు. వారిని కదిరి జనసేన పార్టీ కార్యాలయంలో పార్టీ ఇంఛార్జ్ భైరవ ప్రసాద్ సన్మానించడం జరిగింది. ఈ సందర్భంగా వారు మాట్లాడుతూ కష్టపడిన వారికి పార్టీ గుర్తింపు లభిస్తుంది అని దానికి ఉదాహరణ ఈ ఇద్దరి ఎంపిక అని, మీరిద్దరూ ముందు ముందు మరిన్ని ఉన్నత పదవులు అధిరోహించాలని, అలాగే పార్టీ తీసుకునే నిర్ణయాలను ప్రజల్లోకి తీసుకెళ్లాలని, పదవి అనేది బాధ్యతని అది గుర్తెరిగి పనిచేయాలని వారికి తెలియజేశారు. ఈ కార్యక్రమంలో న్యాయవాది రవీంద్ర, నాయకులు అంజి బాబు, సడగాల గణేష్, సోము, చక్రధర్ బాబు, అంజినప్ప, గౌతమ్, రాజేంద్రప్రసాద్, నవీన్, తదితరులు పాల్గొన్నారు.