పెనుగొండ, (జనస్వరం) : పశ్చిమగోదావరి జిల్లా, పెనుగొండ మండలం రామన్నపాలెంలో ఎంపీటీసీ మోఖమాట్ల కృష్ణ కాంత్ ఆధ్వర్యంలో మన రోడ్డు - మన హక్కు నినాదంతో జనసైనికులు వినూత్న నిరసన తెలియజేశారు. ఈ కార్యక్రమంలో బురద నీటితో నిండిన రోడ్డు గుంతలలో వరి నాట్లు వేసి, పడవలును జనసైనికులు వదిలి నిరసన వ్యక్తం చేశారు. ఈ సందర్భంగా వారు మాట్లాడుతూ సరైన రోడ్డులు లేక ప్రజలు తీవ్ర  ఇబ్బందులు ఎదుర్కొంటున్నారని తెలిపారు. అలాగే ప్రభుత్వం  ఇచ్చిన హామీలను నెరవేర్చి, తక్షణమే రోడ్డు నిర్మాణం చేపట్టాలని జనసేనపార్టీ తరుపున డిమాండ్ చేసారు. ఈ కార్యక్రమంలో పెనుగొండ మండల జనసేన అధ్యక్షులు కంబాల బాబులు, గ్రామ అధ్యక్షులు గండ్రోతు సురేష్, జన సైనికులు, గ్రామ ప్రజలు పాల్గొన్నారు.