విజయవాడ ( జనస్వరం ) : వైసీపీ ప్రభుత్వ అధికారంలోకి వచ్చిన తర్వాత నష్టపోయిన నిరుపేద బాధితులను ప్రభుత్వం ఆదుకోవడంలో ఘోరంగా వైఫల్యం చెందారని జనసేన రాష్ట్ర కార్యదర్శి అమ్మిశెట్టి వాసు ఆరోపించారు. 19వ డివిజన్ లో అగ్నిప్రమాదం జరిగి సర్వసం కోల్పోయిన బాధితులకు లక్ష రూపాయల నష్టపరిహారం ఇవ్వాలని డిమాండ్ చేశారు. అగ్నిప్రమాదంలో పూర్తిగా నష్టపోయిన 17 కుటుంబాలకు ఒక్కొక్క కుటుంబానికి జనసేన తరుపున గ్యాస్ పోయ్యిలను అందించామని స్పష్టం చేశారు. పేదలు ఉండే ఫకీరు గూడెం ప్రాంతంలో అగ్నిప్రమాదం జరగడం బాధాకరమని తెలిపారు. సుమారు 17 ఇల్లు పూర్తిగా దగ్దమయ్యాయని, కట్టుబట్టలతో వారు నిరాశ్రయులయ్యారని అవేదన వ్యక్తం చేశారు. ఈ కార్యక్రమంలో జనసేన నాయకులు, జనసైనికులు పాల్గొన్నారు.