ఆత్మకూరు, (జనస్వరం) : పుల్వామా అటాక్ లో వీర మరణం చెందిన 40 మంది జవాన్లకు ఈరోజు ఆత్మకూరు నియోజకవర్గ ఇంచార్జ్ శ్రీ నలిశెట్టి శ్రీధర్ గారి ఆధ్వర్యంలో ఆత్మకూరు జనసేన పార్టీ కార్యాలయం నందు జనసైనికులతో కలిసి ఘన నివాళులు అర్పించడం జరిగింది. ఈ సందర్భంగా నలిశెట్టి శ్రీధర్ మాట్లాడుతూ పుల్వామా అటాక్ లో 40 మంది జవాన్లు వీర మరణం చెందడం ఇప్పటికీ తలుచుకుంటుంటే మనసు కలిచివేస్తుందని, ఈ సందర్భంగా వారిని స్మరించుకుంటూ *జననీ జన్మ భూమిశ్చ స్వర్గాదపీ గరీయసి స్వర్గాదపీ గరీయసి ఏ తల్లి నిను కన్నదో ఏ తల్లి నిను కన్నదో ఆ తల్లినే కన్న భూమి గొప్పదిరా* అని వారి సేవలను కొనియాడారు. ఈ కార్యక్రమంలో వివిధ మండలాల నాయకులు, జనసైనికులు మరియు కార్యకర్తలు పాల్గొన్నారు.