గోరంట్ల, (జనస్వరం) : గత రెండు రోజుల క్రితం దారుణ హత్య కాబడిన బోయ తేజస్వినికి న్యాయం జరగాలి అని గోరంట్ల జనసేన పార్టీ ఆధ్వర్యంలో స్థానిక ప్రభుత్వ ఆసుపత్రి నుంచి బస్టాండ్ వరకు భారీ ఎత్తున కొవ్వొత్తుల నిరసన ప్రదర్శనలు నిర్వహించారు. అలాగే బస్టాండ్ ఆవరణలో రోడ్డుపై బైఠాయించి నిరసనలు తెలిపారు. ఈ సందర్భంగా నాయకులు మాట్లాడుతూ ఘటన జరిగి 3 రోజులు కావొస్తున్న ప్రభుత్వం దీనిపై ఎందుకు స్పందించలేదు. రాష్ట్రంలో మహిళలపై రోజుకో అత్యాచారం జరుగుతున్న దిశా చట్టం ఎందుకు పనిచేయడం లేదని ప్రభుత్వంపై మండిపడ్డారు. అధికారులు ఇప్పటికి అయిన స్పందించి తేజస్విని కుటుంబానికి న్యాయం జరగాలని, ఈ విషయం గురించి జనసేన అధినేత పవన్ కళ్యాణ్ నిన్ననే ఈ ఘటన స్పందిస్తూ దోషులకు కఠిన శిక్షలు పడాలని అన్నారు. తేజస్వినికి న్యాయం జరిగే వరకు ఆ కుటుంబానికి జనసేన పార్టీ అండగా ఉంటుందని తెలిపారు. ఈ కార్యక్రమంలో జిల్లా కార్యదర్శి సురేష్, నాయకులు వెంకటేష్, గొల్ల అనిల్ కుమార్, సంతోష్, నాగేంద్ర, మల్లికార్జున, బాబావలి, బాలు, రమేష్, అనిల్, నరేంద్ర, ఆటో రాజేష్, రాజు తదితరులు పాల్గొన్నారు.