చిత్తూరు ( జనస్వరం ) : తంబళ్లపల్లె నియోజకవర్గం, ములకలచెరువు మండలంలో మండల అధ్యక్షుడు పోతులసాయినాథ్ ఆధ్వర్యంలో జనసైనికులతో ఆత్మీయ సమావేశం జరిగింది. ఈ సమావేశంలో సాయినాథ్ మాట్లాడుతూ జనసేన పార్టీ అభివృద్ధికి అందరూ గ్రామ స్థాయిలో అందరూ కష్టపడాలని కోరారు. అదేవిధంగా మండల కమిటీ సభ్యులు ఎన్నిక, వారి విధులు భాద్యతల గురించి వివరించారు. ఈ సమావేశంలో అధికార పార్టీ మరియు టీడీపీకి సంబంధించిన 50 మంది జనసేన పార్టీలో చేరారు. కొత్తగా చేరిన వారికి జనసేనపార్టీ సిద్దాంతాలను, పవన్ కళ్యాణ్ గారి ఆశయాలను వివరిస్తూ, జనసేన పార్టీ గెలుపు ధ్యేయంగా ప్రజల్లోకి పార్టీని తీసుకెళ్లాలని కోరారు. ఈ కార్యక్రమంలో అక్షర హరిప్రసాద్, పూల శ్రీనివాసులు, మల్లెమ్ అనిలు, పూల రెడ్డి సురేష్, షోరూమ్ సూరి, చవల భానుప్రకాశ్, దేవేంద్ర, నాగరాజు, మధు మరియు జనసేన సభ్యులు పాల్గొన్నారు.
