జనసేన అధినేత పవన్ కళ్యాణ్ జన్మదిన మాసోత్సవాల్లో భాగంగా రాష్ట్ర వ్యాప్తంగా జనసేన NRI సేవా సమితి కువైట్ వారి ఆధ్వర్యంలో 30 రోజులు 30 సేవా కార్యక్రమాలు నిర్వహిస్తున్నారు. ఈ కార్యక్రమంలో భాగంగా 19వ సేవా కార్యక్రమము ఆదివారం చిట్వేలి మండల పరిధిలోని మారుమూల గిరిజన కాలనీ అయిన ఇందిరమ్మ ఎస్‌టి కాలనీలో 40 కుటుంబాలకు జనసేన నాయకుడు మాదాసు నరసింహ దాతృత్వంతో పంపిణీ చేశారు. ఈ సందర్భంగా జనసేన పార్టీ యువ నాయకులు మాట్లాడుతూ ఆపదలో ఉన్న నిరుపేదలకు సహాయం చేయడం కోసం తమ వంతుగా ఎల్ల వేళల కృషి చేస్తామని తెలిపారు. అలాగే సినీ నటుడు మెగాస్టార్ చిరంజీవి జన్మదినాన్ని పురస్కరించుకుని గిరిజనులు చేత కేక్ కటింగ్ చేపించి మిఠాయిలు పంచుకుని ఆనందంగా జరుపుకున్నారు. సేవ చేయడానికి అధికారం అవసరం లేదని బ్లడ్ బ్యాంక్, ఐ బ్యాంక్, ఆక్సిజన్ బ్యాంక్ ఇలా చేతల్లో చేసి నిరూపించిన చిరంజీవి గారికి గిరిజన వాసులు జన్మదిన శుభాకాంక్షలు తెలియజేశారు. అలాగే గిరిజనులను గుర్తించి ఇంత దూరం వచ్చి సహయం అందించిన జనసేన పార్టీ నాయకులకు మరియు చిరంజీవి అభిమానులకు గిరిజనులు ధన్యవాదాలు తెలియజేసారు. ఈ కార్యక్రమంలో జనసేన పార్టీ యువ నాయకులు పురం సురేష్, నాగిశెట్టి నాగేంద్ర, దండు రమేష్, సువ్వారపు భానుప్రకాశ్, సువ్వారపు హరిప్రసాద్, ఈడిగపల్లి నాగేంద్ర, బాలు సుంకర నవీన్, జబీద్ తదితరులు పాల్గొన్నారు.